Binasa ko ang lahat na nakasaad dito, pero wala akong nakita or walang binanggit na panaginip habang gising. :-) Tungkol kasi dito ang gusto kong sulatin ngayon. Madalas kasing mangyari sa akin ito lalu na pag ako ay nag-iisa.
Dahil sa nalalapit na ang pasko, napapadalas ang aking mga panaginip. Nasa Pinas na daw ako. Kumpleto daw kaming lahat ng aming pamilya. Masayang-masaya daw ako kasi lumaki na din ang pamilya namin. Tatlo lang kasi kaming magkakapatid. Ang dalawa kong kapatid ay pareho nang may asawa ngayon. Meron na din akong tatlong cute na pamangkin. Naghahabulan at naglalaro ang mga pamangkin ko sa aming bakuran. Samantalang kaming mga grown-ups (kasama ang aming nanay sympre) nasa balkonahe kami nagkukuwentuhan habang pinapanood ang mga bata. Inaantay din namin ang pagdaan ng prusisyon. Malapit lang ang bahay ng kuya ko pero dahil pasko buong pamilya niya sa amin daw matutulog ngayon. Yun ay kung matutulog kami kasi ang dami naming nakahandang activities para sa noche buena. Sobrang miss na miss na din kasi namin ang isa't isa.
Napagmasdan kong mabuti ang aking nanay habang nakaupo siya. Meron na siyang mapuputing buhok ngayon, simbolo iyon ng kanyang pagsisikap upang mapalaki kaming magkakapatid ng maayos. Kinaya niyang maging malakas at matapang para sa amin sa kabila ng kahirapan ng buhay. Maaga kaming naulila sa ama. Ang aming nanay ang mag-isang nagtaguyod at nagdisiplina sa aming magkakapatid. Siya ang pinagkukunan namin ng lakas. Sa kanyang mga mata ay nakikita ko ang kanyang kasiyahan. Naisip ko, siguro very proud siya sa aming mga anak niya kasi lahat kami magkakasundo at puro mababait na anak. (naniniwala talaga ako na mababait ang aking mga kapatid, sympre kasama pati ako.lol.)
Tuwang-tuwa ang mga pamangkin ko nang dumaan ang prusisyon sa tapat ng bahay namin. Lumiwanag ang buong paligid dahil sa sinindihan nina kuya ang mga 'fountain'. Tangan tangan naman namin ang mga lusis. Yung umiilaw lang, takot kasi ako sa paputok.
Pagkatapos ng prusisyon, noche buena na! Hmmmm..ang dami naming hinanda ni nanay kasama ng aking mga hipag. Kung dati rati taga-kain lang ako, ngayon nakikialam na ako sa kusina. Matured na daw kasi ako. At tsaka interesado na kasi akong malaman ngayon ang mga secret recipes ng aking mahal na ina. Merong lechon (yung ulo lang ng baboy), embutido, chicken roll, cordon blue, barbecue, baked macaroni, fruit salad, sympre hindi mawawala ang nakaugaliang quezo de bola at ang home-made kalamay (kakanin) at marami pang iba. Pareho kami ng nanay ko na ayaw na ayaw yung nasasayang ang pagkain. Sa kanya ko pala minana yun. Teka lang, nde naman namin kailangan ubusin lahat kasi kinabukasan ng gabi pupunta kaming lahat sa lola ko, nanay ng nanay ko. Yearly, doon ginagawa ang family reunion. Grabeh, tiyak na masaya din yun. To date, nde ko na alam kung ilan na kaming miyembro ng pamilya sa side ng mother. Meron na ngang apo sa talampakan ang lola ko. Besides, 14 na magkakapatid sila nanay at take note lahat sila sa ay naka-base sa isang barangay lang. Naalala ko tuloy yung Christmas ko (2004) before ako magpunta ng Dubai, ako ang naatasang maging organizer ng aming reunion. Isa sa pinakamasayang reunion daw namin sabi ng mga tita ko. Ginawa kasi naming interactive ang mga games namin. Tapos meron pa akong mga tito at tita na likas na komedyante kaya masaya talaga.
Habang kumakain kami, tuloy ang kwentuhan sa aming buhay-buhay. Nagsalita ang aking nanay na masaya daw siya dahil kumpleto kaming mag-anak.. Nagpapasalamat siya sa Maykapal at hindi niya kami pinababayaan. Pero meron pa daw siyang isang hiling sa Diyos, yun ay makapag-asawa na din ako at sana daw yung mabait din. Hala, sabi ko na nga ba at isisingit na naman ni nanay yun. Tawanan lahat..
Haaay, mis na mis ko na talaga ang aking pamilya sa Pinas. Sa darating na Pasko, 5 christmases ko na silang nde nakakasama. Ngayon pa lang hinahanda ko na ang sarili ko. Sigurado, dadalawin na naman ako ng 'christmas blues'. Pinapakalma ko na lang ang sarili ko, di bale next year sa bakasyon ko (plan date is Aug), request ako sa nanay ko kung pwedi mag-noche buena na kami kahit nde pa Pasko. :-)
No comments:
Post a Comment