Before pa ako mag-blog ay isa na akong follower ng mga blogs. Nabanggit ko na din ito sa aking pinakaunang blogpost. Kulang na nga lang i-classify ko ang sarili ko na 'stalker' kasi hindi ko nakakaligtaan na sumilip sa mga blog nila tuwing nag-iinternet ako. Kaya alam na alam ko ang nangyayari sa kanilang buhay base sa kanilang sinusulat. Believe it or not, feeling close at kilala ko sila sa lagi kong pagbisita sa kanila.
Medyo malayo na din ang aking nararating sa aking pagba-blog (hehe..feeling ko lang). Marunong na akong makigulo at makihalubilo sa ibang mga blogger (kaya sobrang feeling ako). Nandyan pa ang minsang nakaka-received ako ng comment na sobrang ikinatutuwa ko talaga. Feeling ko, ibang level na talaga ang blog ko.
Isa din sa dahilan kaya pinilit kong magkaroon ng blog ay para makapag-comment ako sa aking mga sinusubaybayang blog. Madaming beses kasi noon na sobrang gusto kong ipahayag ang aking komento sa mga sinusulat nila pero hindi nangyayari dahil sa "mahiyain" daw ako.
Sa ngayon, medyo nawawala na aking ang aking pagka-mahiyain, naisusulat ko na nga dito ang aking mga nararamdaman. Hindi na din ako nahihiyang mag-comment sa ibang blogs. At home na at home pa nga. :-)
So, bakit ko naisipang i-blog ito? Kagabi, as usual, dalaw ulit ako sa mga sinusubaybayan kong blog. Dumami na sila ngayon (7 na sila to date). Kahit alam kong wala silang bagong post, punta pa rin ako. Kahit comments binabasa ko. hehe. (Adik!). Dun sa mga feeling close ko na (ibig sabihin nde na ako nahihiya sa kanila), nag-iiwan ako ng comment. Pero dito sa blog na ikukwento ko, never pa akong nakapag-iwan ng komento dala na naman sa pagiging 'mahiyain' ko daw..haayyyy....
Dalawang beses kong binalikan ngayon ang blog niya para sana mag-iwan ng comment. Gusto kong ipaabot sana sa kanya ang aking paghanga at simpatiya sa kanyang blog. Gusto kong ipaalam na sobrang follower niya talaga ako. So sana, wag siyang mawalan ng gana sa pagba-blog. Malulungkot talaga ako.
Hindi na ako nabigla nung malaman kong siya ang nanguna sa isang prestihiyosong blog awards. Ganun ako kabilib sa kanyang blog. Malamang kilala ninyo ang aking tinutukoy. Sigurado yon. Hindi ko na papangalanan ang kanyang blog (dahil wala akong permiso at nde naman niya ako kilala).
Ito sana ang gusto kong i-comment sa blog niya pero hindi ko nagawa. Kaya naman, dito sa sa sariling blog ko na lang idinaan. :-)
No comments:
Post a Comment