Kanina sa service pauwi, meron akong tangan-tangan na mapa. Tila ba ito ay isang treasure map. Inaya ko si ate PC para hanapin ang nasa mapa. Sakto libre ang schedule niya at wala siyang lakad. Medyo mahina ako sa direction (unless teritoryo ko ito), kaya medyo nag-aalinlangan pa kami kanina kung mahahanap namin ang sadya namin. After kaming maligaw ng tatlong beses, nakita namin sa wakas ang aming hinahanap- Ukay Ukay sa Satwa!
Matagal na akong inaaya ng aking mga kaibigan at kaopisina para pumunta dito. Kaya lang lagi akong busy at hassle pag sumama ako sa kanila, dahil kailangan pa nilang antayin ang uwian ko na 6:30pm o kaya naman kailangan ko pang mag-undertime para hindi nakakahiya. Ang uwian nila ay 5:30pm. Flexi ang mga office timings namin sa ofis. Ako, ang choice ko lang is yung 9am to 6:30pm dahil yun ang timing ng bus service namin.
Dahil curious talaga ako sa kwento ng aking mga kaopisina at mga press releases sa Ukay na ito, ipina-drawing ko kanina kay RS ang location nito (thanks, RS!). At nag-decide na puntahan na ito. Parang it's now or never ang dating! haha.....Buti na lang sinamahan ako ni ate PC dahil kung hindi, malamang hindi ko din ito mapupuntahan. Worth it naman dahil mission accomplished ako. :-)
After naming mag-ukay ay naghanap naman kami ng makakainan. Naalala ko ang TAZA Restaurant na never ko pang kinainan. Doon ko inaya si ate PC. For the longest time, ang akala ko ay isa itong Mexican Restaurant. I was wrong all along, isa pala itong Indian Restaurant! Another discovery. Nag-order kami ng chicken barbeque at taza rice meal. Na-shocked ako walang spoon and fork na kasama. Tingin-tingin ako sa mga katabing table. Lahat nagkakamay, ok lng sa kanila dahil wala silang rice. Namroblema ako kung paano ako makakain. haha. (kung sana nasa bahay lng kami, walang problema). Hindi ako nakatiis, nagtanong na ako kung meron ba silang spoon & fork..Meron naman daw (pero upon request lng). Grabeh, Indian Restaurant nga! kasi napag-alaman ko na ang mga Indian ay nakakamay pag kumakain sila wherever they are. In all fairness, masarap naman ang pagkain nila.
Naikwento ko na dito si NS, ang kaopisina ni ate PC na music buff talaga. Natuwa ako nang malaman ko na regular na namin siyang makakasama sa bus service, umpisa noong Sunday! Never-ending music ang mangyayari dito. Mahilig kasi talaga akong makinig at sumabay sa mga kanta lalung-lalo na pag memorize ko ang lyrics. hehe. Pampaalis stress. :-). Kahapon meron pa akong bagong nadiskubre, pwedi palang mag-store ng music with lyrics sa iPhone! hmmm, kinalimutan ko na ang iPhone pero kahapon naramdaman kong bumabalik ulit ang pagkagusto ko dito. Buong trip kahapon ay nag-karaoke kami inside the bus! Ang saya! :-)
Additional Discoveries: (22 Apr 2010 11:30pm)
Ang Taza ay isang Arabic Restaurant pala, ito ay ayon sa aking mga kaibigan sa ofis kanina. Nag-google ako ngayon & yes tama sila, isa itong Arabic. Nagkamali ulit ako ng akala. :-)
Bagong discovery ulit pagdating sa iPhone, kaninang uwian karaoke time na naman namin sa bus..hehe..Si NS ay gustung-gusto ng lahat katabi dahil as in super gaganda ng kanyang music collections. Para naman hindi lang ako ang maswerte sa 'music entertainment', nagdala si NS ng connector (hula ko lng na yang ang tawag dun) para pwedi kahit dalawa ang headset na nakakabit sa iPhone niya. Grabeh, as in i'm amazed sa feature na naman na ito ng iPhone. Uyyyyy, bibili na yata ako. Hindi pa rin siguro, nag-eenjoy rin naman ako sa aking mobile ngayon, updated ako sa current events at music dahil may radyo ito..hehe. :-)
No comments:
Post a Comment