Pero bilang isang anak na nagmamahal sa kanyang ina, ang araw na ito ang pinakamahalaga at pinakapinagpapasalamat niyang araw dahil ito ang araw ng kapanganakan ng kanyang ina.
I know for a fact na very proud sa akin ang aking ina mula noon hanggang ngayon. Nakakataba ng puso pag maririnig mong ginagawa niya akong mabuting halimbawa sa aking mga pamangkin. Wala lang, nakakatuwa lang isipin. :-)
Very proud din ako sa aking nanay! Nasaksihan ko ang kabutihan ng kanyang loob sa lahat. Di lang iisang tao ang nagsabi na siya ang pinakamabait na taong nakilala nila. Di kokontra ang mga kapatid ko pag sinabi kong, ang nanay namin ang pinakamabuting nanay sa buong mundo!
Disciplinarian din ang aming nanay. Lahat kaming tatlong magkakapatid, nakikinig talaga sa kanya. Mabait pero napakatapang ng aking nanay. Nakaya nga niyang itaguyod kaming magkakapatid nung mawala ang aming tatay. Siya yung tipo ng nanay na isusubo na lang niya, ibibigay pa sa mga anak. At sympre ang walang kamatayang kwento ko tungkol sa aking ina nung nag-aaral pa ako at nagtatrabaho sa Maynila---ang paggising niya ng madaling araw every week para ipaghanda ako ng breakfast, baon at mainit na tubig na panligo bago ako lumuwas. Walang palya yun for more than 8 years...Grabeh, ganun ako kamahal ng aking ina. As in di ko siya narinig mag-reklamo man lang.
Love na love din siya ng aming mga kamag-anak. Lahat na yata ng aking mga pinsan, ginawa siyang ninang sa kanilang kasal! Nabanggit ko na din dito na sa dami nilang magkakapatid (14), siya ang napili ng aking lola. Sa amin ngayon nakatira si lola considering ang daming gustong kumupkop sa kanya. Ang biro nga daw ng aming mga tito at tita "ang paboritong anak ang nagwagi!" ..joke lang yun, wala daw paborito si lola. hehe...
Sa aking Pinakamamahal na Ina,
Happy Birthday 'Ma! Mahal na mahal ka namin ng aking mga kapatid.
Mahal na mahal kita. Very blessed kami na ikaw ang aming nanay.
Wala na kaming mahihiling pa. :-)
love,
tin
No comments:
Post a Comment