Meet-Up

Ang tagal-tagal ko ng di gumagala. Madalas mas gusto ko pang mag-stay sa bahay tuwing weekend. Katunayan, di ko man lang nasisilayan gate namin pag Friday. Buong araw sa bahay lang talaga ako. Sunday na ako nagsisimba.

Kanina, nagkita kami ni anne (fren ni jo na naging fren ko na rin). Tagal na naming di nagkita kasi. Ang last is nung andito pa sa Dubai si jo. Umattend kami ng 4:30pm mass sa St Mary's Church. After ng mass, gumala na lang kami sa DFC at dun nag-chikahan. Sinamahan din niya ako sa IKEA. Nag-iipon na kasi ako ng pampa-cargo ko pinas.

Ang dami naming napagkwentuhan. Sympre hindi mawawala sa usapan ang aming kaibigang si joana na nasa Canada na. Pareho pala kaming walang gaanong balita ngayon kay jo kasi nde kami nagpapang-abot sa chat dahil na rin sa time difference ng Dubai at Canada. advance ng 10 hours ang dubai sa kanila. Gabi na dito, umaga pa lang. Idagdag pa na Friday ang off ko tapos Sat & Sun naman dun.

Tuwang-tuwa ako kay anne kasi nde pa rin siya nagbabago. Kwela pa rin. Kung gusto mo ng masayang kasama, siya yun. Napaka-carefree ng taong ito kaya gustung-gusto ko ding kasama. Sabit lang ako sa pagkakaibigan nila ni jo pero naging super close kami. Nagkakasundo kasi kami sa mga kalokohang bagay. hehe.

Madalang lang kaming magkita ni anne dahil weekday ang kanyang off, sa hotel kasi ang work niya. Eksakto naman today na nagpang-abot na ang schedule namin kaya Go kami! Miss ko na din siya kasi.

Pagkauwi ko ng bahay namin, nag-check ako ng ym at email kung may message ako. Para bang naramdaman ni jo na nagkita kami ni anne ngayon at nag-message siya sa akin kung on-line ba ako (lagi kasi akong invisible).

At yun na nga....sa wakas! nagpang-abot kami sa chat ni joana! Tawa lang kami ng tawa...Masaya lang kami lalu pa ngayon wala na kaming isipin--meron na siya work dun tapos ako naman aprub na bakasyon ko...hehe....tinour niya ako sa kanilang tinitirhan. Kasama niya dun ang pinsan ng kanyang husband. by the way, tuloy ang visit ng kanyang husband dun sa pasko...sana magka-baby na sila. :-)

Sobrang tuwa namin ni jo. Dahil sa sobrang excitement yata, napalakas ang boses ko. Eh 11pm na, sleeping time na ng ibang kasama ko dito sa bahay. After more than 1 hour naming chikahan over chat ni joana, nagpaalam na kami sa isa't isa..1pm na daw sa kanila, lunch time na nila...sabi ko, saglit picturan ko muna siya ng nakatalikod. bakit, nakakapag-blog ka pa ba nyan? alam niya kasi ginagamit ko ang mga backpic sa blog ko..hehe...

eto ang backpic ni jo sa chat (inalis ko yung pic ko sa baba)

yung pic sa other side, dyan sila namasyal last wik.

ang ganda sabi ko! gusto ko ding makapasyal dun! :-)