iPhone at its Best

Opppsss wait, wala pa akong iPhone pero gustung-gusto kong magkaroon nito last year. Kaya lang mas nanaig ang kagustuhan kong bumili muna ng laptop, nasira kasi ang una kong laptop.


Lumipas ang mga araw, nawala ng kusa ang pagkagiliw ko sa iPhone. Hindi ko na ito naririnig na para bang sinasabihan ako ng 'BUY ME' pag napapadaan ako sa mga electronic shops. Kuntento na ako sa aking phone na Nokia na may radyo. :-)


Pero kanina parang nanumbalik uli ang pagka-gusto ko sa iPhone. Aliw na aliw kasi kami kanina habang pinapanood namin kung nasaan na ang exact location namin in real-time. Meron na kasing 'real-time tracker' ang iPhone ni NS. New feature daw ito, kanina niya lang din nalaman.


Kalagitnaan ng aming panonood ng maisip kong pwedi ko itong ikwento ngayong gabi dito sa blog ko. Interesting kasi ito para sa akin. Nag-request ako kung pwedi bang piktyuran ang mga dinadaanan namin. Pweding-pwedi daw tapos i-send na din sa email ko.


Tingnan ninyo kung nasaan kami eksakto kanina--yung color blue na dot. :-)

@ Karama Metro Station

@ the crossing of Burjuman

pansinin ang apat na bubong ng Metro Station :-)

dalawa kasing line ng metro dito sa Khalid Bin Waleed Stn

although ang open pa lang sa ngayon ay ang red line;

soon to open ang green line (sana very soon na!)

@ Maktoum Bridge
kakatuwa itong kuha na ito, meron pang clouds :-)

kita din ang dubai creek, floating bridge naman yung isang tulay

@ my stop, Muteena St

kita sa photo ang bubong ng bahay namin :-)

nakikita nyo ba ang mga halaman sa gitna ng daan?

isang park kasi ang nasa gitna ng kahabaan ng Muteena St.

Conclusion:

So paano bibili na ba ako ng iPhone? hahaha. Let's wait and see ulit. Meron kasi akong pinaghahandaan na personal na gastusin ngayon- isang SLR camera. :-)

Nothing Serious

Masayang-masaya na naman kaming lahat sa bus kaninang uwian. Asaran na naman. Aba sympre, game na game ako dyan. :-)

Kung anu-ano ang aming napag-usapan at naging asaran. Ibabahagi ko dito ang mga pang-asar nila sa akin kanina. Ewan ko ba, masyado akong paboritong asarin ng mga kasamahan ko. Enjoy na enjoy sila pag ako na ang nasa 'spotlight'. Wala pa kasi akong 'record' na napikon ako sa kanila. :-)


Pang-asar 1
RE: tin, malapit na naman ang Dec! kelan ang KFC natin? haha (last yr kasi nagpunta kami sa KFC dahil natalo ako sa 'dare' na makikipag-date ako before matapos ang taon)
Ako: wala akong 'dare' ngayong taon. wala din akong ni-promise sa inyo. kung gusto niyo punta na lang tayo sa KFC ulit, pero KKB na. haha...

Pang-asar 2
CR: tin, hindi na bagay sa edad mo ang pa-demure..lumampas na ang edad mo. haha....(di ko kasi ma-gets ang isang 'green joke', pinapa-explain ko pa kung bakit ito nakakatawa)
Ako: I beg to disagree. Bata pa ako, nasa kalendaryo pa ang edad ko. Next yr pa lang ako 30. Invited nga pala kayong lahat. Wala namang party, gusto kong batiin niyo lang ako. :-)

Pang-asar 3
Napag-usapan ang tungkol sa pagkakaroon ng anak dahil nagdadalang-tao ngayon ang dati naming kasamahan sa bus (MG).
EG: tin, ikaw hanap ka na lang ng sperm donor mo pag di ka nag-asawa.
Ako: Ayoko, ang mahal kaya.
EG: magkano tin? mukhang nag-canvass ka na..hahaha
Ako: hindi ko kinoconsider yan, posible pa ang mag-ampon ako. ayokong dumating ang panahon na tatanungin ako ng anak ko na ''nay, sino po ang aking tatay?" tapos ang magiging sagot ko "anak, ang tatay mo ay si reference donor number XXXX" haha...
NS: Mag-post ka na lang sa blog mo ng Wanted: Sperm Donor (alam nila ng nagba-blog ako pero anonymous)
Ako: Naku, madaming pipila...haha..(joke lng ito, niyayabangan ko lang sila)
CR: kelan nga ba ang kasal mo? sa 2012? pag nagunaw na ang mundo. hahaha...
Ako: Basta sa kasal ko invited kayong lahat, gusto ko na ngang magpagawa ng AVP kay NS at mag prenup mag-isa. hahaha. Ang swerte nga ng groom ko kumpleto na ang lahat, siya na lang ang kulang..haha..
All (RE,CR,EG,NS, ate G): Asan na ang wedding invitation? hahaha....


My Closing Remark To Them:
Grabeh, siguro matatahimik kayong lahat pag dumating ang araw na iyon. Na-excite ako sa magiging reaksyon ninyo. hahaha. :-)

I Dedicate This Post To You, NS

Sino ba si NS? Si NS ay isa ding ordinaryong empleyado kagaya ko. Hindi kami pareho ng kumpanya pero isa lang ang may-ari sa mga pinapasukan namin. Nagkikita lang kami dati tuwing lunch time sa building canteen pero simula ng sumabay na siya sa company service namin, super naging close kami. I mean, super naging feeling close na ako sa kanya. :-)

Nabanggit ko na siya sa ilang postings ko dito. Siya yung sinasabi kong super high-tech na tao at pamilya ng mga 'chef' dahil ang sarap magluto. Hindi lang yun, no dull moment pag siya ang katabi mo sa bus. Grabeh, lahat na yata ng posibleng entertainment sa byahe nasa kanya na--- music, movie, seryosong usapan at mga kwelang usapan! Hindi kataka-taka na lahat gustung-gusto siyang katabi pag uwian. Pero madami umaangal pag kami ang nagkatabi, hindi raw sila makatulog sa ingay namin...hahaha.

Ang dami ko ng 'utang' sa taong ito. Patong-patong na. Hindi ko alam kung paano makakabawi sa taong ito. Lagi ko namang napapaabot sa kanya ang lubos na pasasalamat ko sa mga kabaitan niya sa akin. Pero feeling ko hindi sapat yun sa sobrang daming pabor na aking hiningi at ibinigay niya. Sobrang grateful talaga ako sa taong ito. Napakaswerte ko talaga pagdating sa mga kaibigan. :-)

Hinding-hindi ko makakalimutan kung paano ako todong napasaya ni NS sa mga mumunting bagay para sa kanya pero ga-higante para sa akin. Muli NS, gusto kitang pasalamatan dito naman sa blog ko. (hahaha, malay mo minsan mabasa mo ito). Thank you talaga. Sana wag kang magsawa sa akin. :-)

Beside your friendship, these are the things/favours you have extended to me that i'll be forever thankful of:

1) AVP of Jo's wedding ---dito ko napatunayan ang kabaitan mo sa akin. problemado ako kung paano ko maisasakatuparan ang naiisip kong presentasyon para sa wedding ng aking kaibigan. Right timing dahil pinapanood naman ninyo sa bus ang kakagawa mo lang na music video ng mga kaopisina mo. On the spot, sabi ko baka naman pweding i-book mo naman yung one Saturday mo sa akin para gawin naman ang AVP ni Jo? Meron na akong concept sabi ko, hindi ko lang alam gawin or i-execute...hehe...Nag-yes ka agad sa akin. At nang kinasabaduhan nga, hindi mo nakalimutan ginawa nga natin ito. 11:30pm na natin natapos ito. at wala ka man lang naging reklamo. (medyo kaka-guilty tuloy, am i being abusive sa kabaitan mo?). Ang biro ko pa sa'yo, ang galing ko talagang tumingin ng may 'talent' na tao. Kasi, grabeh ang ganda ganda ng pagkakagawa mo! Daig pa ang ipinagawa sa professional! Sa sobrang ganda nga gusto ko nang magpagawa sa'yo ng AVP para sa wedding ko kahit wala pa akong groom. haha... Siyanga pala, sobrang nagpapasalamat din ang kaibigan ko sa'yo sa ginawa mong ito. Alam mo bang medyo naiyak pa ang dalawa nung ni-present ko sa kanila dahil akala nila sobrang napagod tayo at pinagpupuntahan pa natin ang mga actual place sa love story nila. hehe.
Napakaswerte ko talaga dahil first time mo lang kamo nakagawa ng AVP nun. O di ba, ako ang discoverer mo. hahaha. Meron na naman tayong upcoming projects na gagawin soon -my hongkong/macau trip with my mother & AVP for my cousin's wedding. Nag-yes ka na naman sa akin. Wala akong magawa kundi maging grateful na lang sa kabutihan mo. :-)

2) music uploader/organizer- lahat ng music ko sa iPod at sa computer ko sa ofis ay courtesy of NS. thank u for uploading my recent request-christmas songs (now playing on my iPod) :-)

3) House series -salamat sa pagpapahiram ng iyong kumpletong set ng House series. You'll be proud, nasa Season 7 na ako, ang running season! hehe...salamat din sa pakikipagtalastasan sa akin tungkol sa House pag nasa bus tayo. Adik na adik noh? Sabi ko nga sa'yo, mananalo ako ngayon pag may quiz bee tungkol sa House. :-)

4) future jogging mate- since nalaman ko na nagjo-jogging ka every night, sabi ko sama ako sa'yo pero start ko sa 1st of December na. pumayag ka na naman! yippeee! atleast may makakasama na ako (for some reason, medyo takot kasi akong mag-isa ngayon sa labas pag gabi) :-)

Do Not Worry

Usap-usapan sa aming opisina ang mangyayaring tanggalan gawa ng restructuring ng aming kumpanya. Walang dapat ipag-alala ang iba sa Group Company dahil ang maapektuhan lang nito ay kami. Pag sinabing organization restructuring, ibig sabihin magkakaroon na ng bagong organization structure (approved by Group Management). At lahat ng wala sa bagong structure ay kailangang mawala/alisin. Although may malaking possibility na ilipat lang sila within the Group pa rin. Sana ganito ang mangyari talaga, kasi pag hindi ,termination ang isang masaklap na pweding mangyari sa mga dapat mawala.

Nakakatakot di ba? Walang sinuman ang may gustong mawalan ng trabaho. Last Thursday, finally isinapubliko na sa amin ni GM ang plano ng Group. Ayaw daw niyang maging dahilan ng tsismis ito. Next week daw kakausapin niya lahat isa-isa. "Do not worry" sabi pa niya, i-enjoy daw namin ang weekend.

Grabeh, kung ikaw ang taong involved, hindi ka ba magwo-worry? Ako si no. 1 'worrier' dati, pero this time hindi na masyado (tingin ko enough na ang naging pagwo-worry ko dahil dito). Hindi ko na nga ipinaalam sa nanay ko. Ang taga-salo ng aking mga pangamba. Aantayin ko na lang this coming week, ang verdict para sa akin.

Keeping The Faith

In my previous post, nabanggit ko na kung minsan 'kinatatamaran' kong magsimba ng weekend mass (o Sunday mass) w/c is a day of obligation para sa mga Katoliko. Although bumabawi ako sa ibang araw pag hindi ako nakasimba, andun pa rin ang feeling of guilt. Ayokong magtampo si God sa akin. Yun bang tipong iisipin niya nakakalimutan ko na Siya, na wala na akong panahon sa Kanya. I know we have a forgiving God pero wag naman ako sanang magsamantala. Once a week nga lang at ilang oras lang ako bumibisita sa Kanya tapos hindi ko pa mabigyan ng time. Samantalang pag may kailangan ako, 24/7 kayang-kaya kong ibigay sa kanya. Ayoko siyang tantanan. Kinukulit ko siya ng todo. Siya pa ang magsasabi na 'matulog ka na, anak. bukas na lang ulit.' :-)

Ramdam ko talaga na love na love ako ni God. Kung i-describe ko nga ang relationship namin, very close. Alam kong hinding-hindi Niya ako pababayaan at iiwan. Kinokunsulta ko din Siya at nanghihingi ng guidance para sa mga bagay na hindi malinaw sa akin. Kung minsan naman kahit alam ko na ang dapat gawin, gusto ko pa ring manggaling ito sa Kanya.

Eto medyo nakakahiyang ikwento dito, pati matters of the heart kasi idinulog ko na din minsan sa Kanya. :-) Ganun kami ka-close, di ako nahihiya kasehodang mag-iiyak ako sa isang feeling ko problema. hehe.

meron isang tao noon na gustung-gusto ko. feeling ko nga naging lab na, parang di ko kakayanin ang hindi kami magkatuluyan (haha..ang OA ko). although in my sound mind, alam kong di kami talaga made for each other ng taong ito. di ako sasaya sa piling niya. after ng mahaba-habang panahon na pakikipagdebate ng aking puso vs. isip, wala pa ring malinaw kung sino ang susundin ko. minsan panalo si puso, minsan naman si isip. lumipas ang ilang taon tie pa rin ang score. hehe...hindi ko na kinaya, napagod ako sa pagtatala ng score...hehe..kasagsagan ng pakikipag-usap ko sa Kanya nang maala ko ang matagal na gumugulo sa aking isipan. Sabi ko sa Kanya "Lord, tulungan Ninyo po akong alisin ang nararamdaman ko sa taong ito. nasasaktan lang po kasi ako." the next day, pramis nawala ang dinaramdam ko. grabeh, ganun Niya ako kamahal. :-)

Kaya naku, medyo ingat tayo sa paghingi ng gusto natin lalu na kung tungkol sa puso at nasa emotional state tayo dahil ibibigay Niya ito. Speaking of puso, sabi ng isang kaibigan/dating boss ko, kailangang ipinagdarasal ko na daw ang pagkakaroon ng makakasama habang-buhay. nasa tamang edad na daw ako, mahirap ang maging matandang dalaga. sabi ko sa kanya, cge pag ikinasal siya ako ang susunod! hehehe (mas matanda kasi siya sa akin ng more than 10 yrs). Actually never pa akong nag-attempt, ang prayer ko wag muna po ngayon madami pa akong plano sa buhay. pero kung gusto mo nang ibigay tatanggapin ko naman. there should be a way para mag fit in ito sa buhay ko kung para ito sa akin. napakalaki ng pasasalamat ko na ok na ok ako sa pagiging single ko as in contented ako sa lovelife ko na zero..hehe..(contrary to my family/relative/friends, na nag-aalala ng sobra sa aking pagtanda. ginagamitan na ako ng mga panakot at kung anu-ano pa. nade-depressed sila sa isang bagay na hindi pa naman nangyayari)

Kung saan-saan na napunta ang aking kwento. Ang gusto ko lang naman sabihin is mahal na mahal ko din si God kahit kung minsan hindi ko nasusunod ang lahat ng kagustuhan niya. Pero i'm really trying my best para maging mabuting anak Niya. Kasama ito sa standard prayer ko as long as i can remember ---"gawan yuku pung talatuki yu" meaning "make me your follower". Kaya medyo naging emotional/sobrang touch ako kanina sa simbahan habang kinakanta ang You Are Mine. Gusto kong sumagot ng "Yes Lord, I'm Yours" :-)

You Are Mine lyrics

Do not be afraid I am with you

I have called you each by name

Come and follow me

I will bring you home

I love you and you are mine

Multiple Choice

Naniniwala ako na lagi tayong merong choice sa mga bagay-bagay sa ating buhay. Noong nag-aaral pa ako, pinakaeasy para sa akin ang multiple choice tuwing exam. Walang memorization na kailangan. Pwedi ka pang manghula kung hindi mo talaga maalala ang tamang sagot. Madalas pag ganito ang type ng exam, expected ko na hindi man lang ako pagpapawisan. (hahaha...gusto ko lang magyabang)


Ngayong may edad na ako at natutong mag-blog, susubukan ko namang ilista ang mga bagay na pweding maging 'multiple choice' sa buhay ko. Maging easy pa kaya ang pagsagot ko? Makapagmayabang pa kayo ako? Hahaha. Let's see... :-)



1) Pasado alas dose na ng gabi dito sa UAE. Gising na gising pa rin sa kakaisip at kakasulat dito sa blog. Ano ang aking gagawin?

a. matulog na para hindi mapuyat
b. tapusin ang blog, ok lang mapuyat dahil walang pasok bukas
c. none of the above


2) Ako ang naka-schedule na cook pag Friday. Thursday night pa lang naggo-grocery na ako para sa aking menu. Alin kaya sa mga ito ang aking iluluto bukas?

a. sinigang na baboy/hipon/salmon
b. kare-kare
c. pork chicken adobo
d. menudo
e. ginisang munggo plus pritong alumahan
f. dinuguan
g. beef steak
h. beef brocolli
i. caldereta



3) Ginusto ko ang mag-work dito sa Dubai para makatulong sa aming pamilya. I'm missing home lalu na ang aking nanay ngayon. Ano ang aking iniisip na mabuting gawin?

a. umuwi na sa Pinas
b. normal lang ang aking nararamdaman magpapasko na naman kasi
c. i-visit visa ang aking ina para mapasyalan ako dito



4) Ni-blog ko na dito na gusto ko nang matirhan ng nanay ko ang bahay na plano ko para sa kanya sa May 2011 (in time para sa aming fiesta). Paano ko i-meet ang target date ko?

a. mag-loan sa bangko
b. gumawa ng budget ayon sa cash flows, i-monitor/limitahan ang mga gastusin
c. bahala na si Batman :-)

5) Kakauwi ko lang sa Pinas nung Sept para sa 2010 vacation leave ko. Pero gusto ko na ulit mag-plano para sa bakasyon ko next year. Napapasaya kasi ako nito kahit papaano. Ano naman kaya ang magiging itinerary ko sa 2011?

a. stopover either sa Malaysia o kaya Thailand
b. to organize family reunion sa mother side ko
c. maging emcee sa kasal ng pinsan/barkada ko (if ever mag-coincide ang wedding date nila sa bakasyon ko, no exact wedding date/month yet while ang bakasyon ko is baka month of Aug)
d. all of the above



My Answer Key:
1) b
2) d
3) b
4) b
5) d

Wikang Tagalog sa UAE

Sanay na sanay na akong makarinig ng ibang lahi dito sa UAE na sinasalita ang wika nating mga Filipino. Nakakaaliw at nakaka-proud din na ganun ka-interesante sa kanila ang ating wika. Ako kasi, hindi man lang akong nag-effort na matuto ng lenggwahe ng mga local dito, ang Arabic. Sa limang taon ko dito, ang tanging alam ko lang na word na Arabic ay ang mga sumusunod:

Shukran - Salamat
Mafi - Wala
Malum - Alam
Mafi Malum - Walang Alam
Souq - Market
Sida- Straight
Habibi- a term of endearment

Hindi naman kasi required. English ang gamit ng lahat dito para magkaintindihan. Pero sympre pag kapwa Pinoy ang magkakausap, Tagalog na ang gamit. Ang daming Pinoy dito! Hindi mo mararamdaman ang culture shock. Ang description ko nga sa Dubai, parang sa Manila pa rin ako nagtatrabaho. Yun nga lang hindi ako makauwi sa amin every weekend.

Hindi na nakapagtataka na pati Etisalat, ang pinakamalaking internet/mobile/telephone service provider dito sa UAE, ay marunong na ding mag-tagalog. hehe. Basahin ninyo ang ipinadalang text sa akin kanina.


Makakuha ng 4o% libreng credit bawat buwan sa Wasel.
Simula ngayon mas matagal na usap mas madameng libreng
credits ang makukuha. i-send U sa 1010 para makasali sa
promo at i-enjoy ang libreng credit. Magmadali na! at sumali
sa limited time offer ng Wasel promo.
To stop receiving special promotions/offers from Etisalat
through SMS, send "b etisalat" to 1011

Sender:
etisalat

Sent:
24-Nov-2010
02:22:57pm

You might be asking, paano alam ng Etisalat kung Pinoy o ibang lahi ang subscriber nila? Madali lang, dito kasi sa UAE may registration form pag bumili ng sim card, required ang passport or labor card for proper identification. So I assume, lahat ng detalye nasa Database din nila. Kaya wag na wag kang mag-attempt na gumawa ng kalokohan like prank calls, sigurado mahuhuli ka dito. Ganun din sa mga subscribers ng internet, lahat meron silang record. In fact, pati exact location/map nung subscriber nasa system nila. Nalaman ko ito nung nag-apply ako para sa internet connection namin dito sa bahay. Sa akin kasi naka-register ang internet namin.

Bago pa ako mapalayo sa aking topic, tatapusin ko na dito ang aking kwento. Baka may makahalata na kung minsan buhol-buhol din ang aking pagsasalita ng Tagalog. Ito ay sa kadahilanang ang dialect sa aming probinsya ang siyang aking orihinal at nakagisnang wikain. Minsan, ipapakilala ko din dito kung gaano kaganda ang aming dialect at kung gaano ako kabihasa na magkwento pag ito ang gamit ko. haha. Ang lakas ng loob kong magyabang! :-)