Si ID ay kaibigan naming pareho ni Jo. Magkakasama kami dati sa work sa Pinas. Apat kaming matalik na magkakaibigan (tatlo kaming naglakas-loob na hanapin ang kapalaran sa Dubai), ang tawag sa amin ay F4 hango sa 'Meteor Garden' series na sikat na sikat noon. Tumira ako ng mga ilang buwan sa bahay nina ID sa Paco, Manila bago kami nagpunta dito. Nag-maternity leave kasi ang pinsan ko noon (si ate CP) na kasama ko sa bahay na inuupahan namin sa may Estrella, Makati. Ewan ko ba, pero mas panatag ako pag may kasama ako sa bahay. Takot akong mag-isa. Kaya naman, nang mag-alok si ID na pansamantala akong manirahan muna sa bahay nila ay hindi na ako nagpakipot pa. hehe. :-) Noong umalis sina ID at Jo papuntang Dubai, eksakto namang balik-trabaho na yung pinsan ko.
Noong ibinalita sa akin ni ID na nakahanap na sila ng bagong bahay (pero malayo na sa amin), nalungkot ako. Hindi na ako pweding dumaan sa kanila kahit kailan ko gusto. :-( Si baby MJohn ay hindi ko na lagi madadalaw. Sabayan pa nang nalalapit na pag-alis at pag-uwi sa Pinas ni Jo next month para sa kanyang nalalapit na kasal.
Masaya ako dahil sa mga magagandang pangyayari sa mga buhay ng aking mga kaibigan. May nararamdamang lungkot dahil maghihiwa-hiwalay na kami ng bahay. Naiisip ko, ano kayang mangyayari sa akin sa June? Kakayanin ko bang mag-isa? Gusto kong lumipat sana kina ID pag-alis ni Jo, kaya lang hindi pwede ngayon kasi malayo sa pick-up/drop-off point ng service namin.
Ayokong alalahanin pa ito ng aking mga kaibigan. Sabi nga nila, matured na daw ako ngayon. hehehe. Feeling ko napaka-dependent ko sa mga kaibigan ko, pero alam niyo bang nasabi na sa akin nina ID at Jo na sa akin sila kumukuha ng lakas? Very strong daw ang personality ko. Kayang-kaya ko daw lahat.
Malapit na ang June. Malapit na din akong mag-isa. Sabi ko hindi na ako magda-drama. Pero palagay ko, maiiyak ako sa araw na iyon. Di bale, iisipin ko na lang na nakakabuti naman ang mga luha sa mga mata ko kaya okay lang mag-drama (for one last time). hehe. :-)
Kung saan-saan na ako nakarating, eh ang gusto kong i-blog is yung bagong haws nina ID. Sosyal at maluwang ang bagong tinitirhan nila ngayon! Sa isang exclusive subdivision sila nakatira sa may bandang Mirdiff! Take note, may security guard pa sa gate nila kaya safe na safe sila doon.
Mahal ang renta dito sa Dubai kaya usually sharing ang accomodation dito. Kung mapapansin ninyo, medyo mataas ang energy ko sa pagkaka-describe sa bahay nina ID kasi sobrang we feel blessed dahil ang kaibigan ko ay nakatira na ngayon sa isang flat na sila lang pamilya ang nakatira. Nakakagalaw at nakakalaro na nang maayos si baby MJohn. :-)
Nag-overnight kami nina Jo at AB (kaibigan ni Jo) sa bagong bahay nina ID para ma-feel ito. Aba, sympre hindi ko nakalimutang kunan ng picture ang bahay nila para naman mai-post ko dito. :-)
the living room. :-)
Napansin nyo ba si Pooh? Bigay yan ni Tita F kay ID
Sa Sharjah pa lang kasa-kasama na iyan ni ID.
No wonder, favourite din siya ni baby MJohn.
(Si Tita F ang tumulong sa amin sa pagpunta dito)
lahat ng pang-display ay bili sa Ikea
except yung black lampshade, galing sa warehouse namin sa ofis. :-)
kapuso na sila ngayon, nde pa kasi available TFC doon.si baby MJohn busy sa pagtingin sa DVD ni Barney's.
yung picture sa photo frame ay kuha naming F4 sa NAIA,
bago pumunta sina ID at Jo dito (after 2 months sumunod ako)
haaay..napakasarap mag-overnight kina ID,pagkagising namin nag-jogging kami at nilibot
ang buong subdivision, diet? nde cguro.
kasi tingnan nyo naman ang bumungad sa amin pagkatapos.
napakasarap na breakfast na luto ni ate E :-)
grabeh, super favourite breakfast ko ito- tapsilog!so, sira ang diet namin ni Jo this May. hehe...
naka-tatlong servings ako na ganito &
i wanted more..hahaha.....
kagigising lang nito ni baby MJohn.pero super cute pa rin. :-)
Very family-friendly and homey ang place nina ID. Malamang sina Jo at GD ay doon din maghanap ng tirahan pagkatapos ng kasal nila sa September. Magandang lugar ito para sa mga taong kasama ang pamilya dito. Pero sa kagaya kong single, mas prefer ko pa rin ang nakatira dito sa Deira. Malapit sa mall. Malapit sa simbahan. Malapit sa Metro. Pweding maglakad-lakad at gumala lang nang gumala. Madaming tao. Maingay, para hindi ko mapansin ang katahimikan ng aking pag-iisa.
Paano Pumunta Kina ID? :-)
1) sumakay ng Metro hanggang sa Rashidiya Station
2) mag-sight seeing muna :-) 3) from Rashidiya Station sakay ng Dubai Bus No. F3 and/or F10
(travel time from our place: 1 1/2 to 2 hours including waiting time)
No comments:
Post a Comment