"Do not disturb", ito ang pumasok sa isipan ko na i-blog kaninang nasa service ako pauwi from ofis. Masyado kasi akong busy ngayon sa panonood ng series na House. Grabeh, in less than 2 weeks nasa Season 3 na ako! Adik na ako talaga. Wala akong ginawa last weekend kundi manood, manood at manood! Ok lang sana kung weekend lang, eh kaso pati tuwing may pasok nanonood pa din ako. Ayun tuloy, hirap akong bumangon dahil puyat. Waaaahhhh! Bad habit. All set na naman ako ngayong gabi para manood ng House, Episode 19 na ako. Pero this time, pinigilan ko ang sarili ko. Sabi ko, "sige ka pag nagpatuloy ang pagiging adik mo, baka next time 'sakit' mo na ang i-solve ni Dr. House" Hahaha.
Dahil sa puro si House ang inasikaso ko noong weekend, 'tinamad' na naman akong magsimba. My bad. Sori po, sana po wag kayong magsawa sa akin sa kakahingi ng sori. Pag hindi ako nakasimba ng weekend, tiyak bibisita ako at hahabol sa misa sa mga susundang araw. Hindi kasi ako matatahimik dahil feeling ko at alam ko na may kasalanan ako sa Kanya. Ayoko sympreng magtampo Siya sa akin. (naku tin, make sure this coming weekend i-prioritize mo na ito )
Totoo akong nagtampo sa Kuya ko last time na ni-blog ko siya dito. Hindi ko talaga siya kinausap at kinibo para maiparating ko sa kanya na nagtatampo talaga ako. Pero agad naman akong nahimasmasan at kinausap ko na din siya na parang walang nangyari. hehe. Bago ko siya kinausap, nakuha ko pang magsumbong sa nanay ko. Sabi ko sa nanay ko "'Ma, naiinis ako kay kuya. bakit siya ganyan?" Tahimik lng ang nanay ko sa kabilang linya pero na-gets ko ang gusto niyang ipahiwatig sa akin--- "tin, bakit ka ganyang magsalita tungkol sa kuya mo?" Grabeh, nakaramdam ako ng hiya sa sarili ko. Nahiya din ako sa nanay ko.
Nag-chat kami ng nanay ko noong Friday. Kinwento niya sa akin ang nangyaring eleksyon sa aming barangay. Apparently, naging campaign manager siya ng aking tita MG na pumasok na din sa mundo ng pulitiko at nanalong 1st councilor sa barangay namin. Nag-text ako kay tita MG at binati ko siya sa kanyang pagkapanalo. Natawa ako sa reply niya, "musta na kayo ni jq?"
Nirereto sa akin ni tita MG si jq. Nagkatotoo ang aking hinala, hindi pumayag ang tita ko na hindi kami magkita ng personal ni jq noong nagbakasyon ako. Isang malaking komedya ang first meeting namin na hindi ko muna ikukwento dito. Pero natuwa ako sa tita ko kasi piling-pili niya talaga ang inireto sa akin. Hindi basta-basta. Kumbaga, siya ang pinaka-finest, outstanding at pinaka-brightest. Hahaha, parang star. Sana lang, maintindihan nila na hindi ganoon kadali yun.
Asar-talo ako sa mga kamag-anak ko noong nagbakasyon ako, candidate na daw ako sa pagiging matandang dalaga. Madami akong natanggap na unsolicited na advice mula sa kanila. Ewan ko, pero na-pressure ako sa kanila. Kaya napilitan akong i-announce sa kanila na "wag kayong mag-alala sa akin, kasama sa pangarap at plano ko ang mag-asawa balang-araw. kaya relax lng kayo. mangyayari yun :-)"
Nakahinga ako ng maluwag pagkadating ko sa Dubai. Yippeee! natapos na din ang pang-aasar at pangungulit ng mga kamag-anak ko tungkol sa aking pagiging single. Yun ang akala ko dahil nagparinig na naman ang nanay ko sa akin noong Friday. Habang nagkukwentuhan kami tungkol sa plano ng aming bahay (na ipinapagawa ko sa isang kaopisina) biglang isiningit ng nanay ko na sabihin ko daw na gawing simple at wag mamahalin ang materyales na gagamitin baka daw kasi matagalan ang pag-aasawa ko. ngek! hirap talagang maging single. :-)
No comments:
Post a Comment