Ayaw Paawat :-)

1o:44 pm na ngayon. Ready to sleep na ako nang maalala kong meron pa akong isang kwento na nakaligtaang isulat dito. Binuksan ko ulit ang aking laptop at nasambit ko sa sarili ko na, ayaw ko talagang paaawat o papigil sa pagba-blog. hehe. (pang 5th ko na ito para lang sa araw na ito)

Hesitant pa ako at first na i-blog ang susunod na kwento dahil housemate ko ang involved na tao dito. Ayoko din namang parang may 'kontrabida' character sa mga housemate ko. Much more, na parang violation of other's privacy na ang aking gagawin. ( kaya mas comfortable akong i-blog ang buhay ng aking mga kaibigan dito dahil mas kilala ko sila. alam kong maiintindihan nila ako at mapapatawad kung meron man akong violation. hehe)

Hay naku Tin, tama na ang madaming paliwanag. Hahaha. Ikwento mo na ito para makatulog ka na at may pasok ka pa bukas. :-)

Hmmmm....bago ko ito umpisahan, gusto kong humingi ng pasencia sa pagdamay sa character ng walang pahintulot. Istorya ko din naman ito. Nagkataon na pilit siyang uma-apir sa ilang eksena kaya hayan tuloy, di ko na iiwasan na i-blog ko siya dito. Intindihin niyo na lang ako, wala kasi talaga akong mapagkwentuhan nito.

Dahil sa hindi ako pala-labas ng kwarto, hindi ko alam ang pangalan ng iba kong housemates. Although kilala ko naman sila sa mukha. Tuwing ako ang cook or evey Friday ko lang nakakasalamuha ang ilan sa mga housemates ko, yun ay kung nasa kitchen sila. Nakakatawa nga kung minsan may magtatanong sa akin kung bagong-lipat ba daw ako. Ngek! kami kaya ang pioneer dito sa Villa namin. :-)

1st week of November, may birtdeyan dito sa Room namin. Nag-volunteer ako na sa akin ang spaghetti. After ofis, diretso akong umuwi ng bahay para lutuin nga ang spaghetti. Sobrang busy ako sa kitchen nang dumating ang isa kong housemate na itatago ko na lang sa pangalang 'housemate'. (hehe, isa siya sa mga hindi ko kakilala ang pangalan)

In general, mabait naman ako at pinipilit kong magiliw sa lahat ng mga housemates ko. Pero kay 'housemate', mukhang hindi uubra ang pagiging polite ko. Noong una, okay okay pa ako sa presence niya habang nagluluto ako. Siguro walang makausap si 'housemate' ang naisip ko. Kaya sige kahit busy sa pagluluto, sagot pa din ako kung anuman ang naisipang itanong.

Aba, aba, after lang siguro ng ilang mga general questions naging masyadong personal na kanyang tinatanong. Nakaka-offend kasi hindi naman kami close at first taym ko lang siyang makausap. Hindi ko mapigilang hindi magtaray nang sabihan niya akong 'bakit wala daw akong bf, e napakaganda ko daw'...gosh!, pramis na-offend ako sa kanya. Ang sagot ko 'bakit? masama?'..hehe. lumabas tuloy ang katarayan ko. (hehe..sign of old age). Eksakto, dumating ang isa kong housemate na babae. Nagkwentuhan kami na parang wala si 'housemate'. Nakahinga ako ng maluwag nang mahalata ni 'housemate' na non-existent siya sa amin at umalis na sa kitchen. hehe.

Ayokong gumawa ng commotion dito kaya wala akong pinagkwentuhan nito. Baka naman kasi OA lang ako. Nagiging friendly lang si 'housemate' at ako naman ay aminadong hindi friendly.

So tapos na sana ang kabanata ni 'housemate', palalampasin ko na ang istorya nito. Pero may nangyaring kakaibang eksena na naman nitong Eid Holiday lang. Noong Tuesday, tinanong ako ng roommate ko kung magsisimba daw ako? Sabi ko, oo. Sama daw siya sa akin. Cge, sabi ko wala naman akong kasama. Aba, nabigla ako nang kasama pala niya si 'housemate'. Eto na naman po, sa isip isip ko. Okay lang naman sa akin ito, eh sa gusto ding magsimba ng tao.

After mass, eto na po ang aking kinatatakutan. haha. Merong dalang camera ang aking roommate, picture-picture daw kami. Sabi ko, ako na lang ang magpi-picture. Si 'housemate' ang kulit, pa-picture daw kaming dalawa! Para naman hindi mapahiya, sabi ko camera-shy ako. Aba, di pa nagkasya sa sagot ko. Picture lang naman daw. Pasencia na, di talaga ako nagpapa-picture. To the rescue ang aking roommate na gay, wag mo kasing pilitin eh ayaw nga niya sayo! Hahaha, yan ang ganti ng aking mga kakampi. :-)

Naka-plano silang gagala after mass. Sabi ko, ako diretso na ako ng bahay at madami pa akong labahin. Pinipilit nila akong sumama sa kanila. Ayoko talagang maggala sabi ko kay roommate. Aba, narinig ko si 'housemate', sabay na lang daw kaming umuwi sa bahay. Sabi ng isa naming kasama, baka daw meron lang akong ka-date kaya ayaw kong sumamang mamasyal sa kanila. Oo, sabi ko na lang kahit wala naman para lubayan na ako ni 'housemate'. Nag-sinungaling tuloy ako.

So far, wala pa kaming engkwentro ulit ni 'housemate'. hehe..sana wala na. Matakot siya, tsismis ko ulit siya dito. hehe.