Writer's Block?

Napansin ko ang sarili ko na lie low ako ngayon sa pagba-blog. Mahigit one week na akong inactive. Walang pumapasok na ideya sa aking kaisipan. Wala na bang nangyayari sa aking buhay ngayon at wala akong maikwento man lang? Posible kayang i'm experiencing yung sinasabi nilang writer's block? Naks naman, feeling writer naman ako. Hahaha.

Aminado ako na sobrang adik ako ngayon sa series na House (nasa Season 5 na ako). Pero kaya ko naman itong kontrolin. Kagaya na lamang ngayong gabi. Gusto ko kasing manumbalik ang pagiging excited ko sa pagba-blog. Yung bang tipong nasa service pa lang ako pauwi alam ko na ang magiging topic ko for the night. Pag may nakita o narinig ako na interesting, naiisip ko agad na pweding i-blog ito. Bakit ngayon hindi ko na maramdaman ang mga ito? I don't know what went wrong.

I take blogging seriously although more often than not parang wala lang ang mga sinusulat ko, parang hindi pinag-isipan. hehe. (pasencia na, pagod kasi ang 'writer' from work at hindi na makapag-isip ng maayos. palusot ko.) Pinapangarap ko din sympre na makapagsulat ng isang blogpost na pinag-isipan ko talaga at edited ko. Gusto kong masabi ko sa sarili ko na writer ako na walang pag-aalinlangan. haha. Practice makes perfect naman di ba. Tsaka i know myself, madali naman akong matuto lalu na pag interesado ako.

Alam niyo bang sa kagustuhan kong mapabuti ang aking mga sinusulat, kasama sa mga binili kong libro noong bakasyon ko sa Pinas ang "Writing Tools-50 Essentials Strategies For Every Writer"? Yun nga lang hanggang ngayon hindi ko pa nabubuksan ito. Siguro hindi pa ako ready para magpakadalubhasa. Inuuna ko muna ang pagbabasa ng mga novel of my interest (meron akong 7 books na nakapila). Pagkatapos ng mga ito, magpapakadalubhasa na ako sa pagsusulat. Naku, bigla tuloy akong na-excite sa isiping magiging true blue writer ako pag nagkataon. :-)