Drama Mode

Isang araw na lang at mag-uumpisa na ang 5-day holidays namin. Dapat excited ako pero hindi ko maramdaman ito. Napaka-KJ ko din dahil wala akong planong kagalaan/out-of-town ngayon. Sobrang baba ng energy ko. Ang dahilan ko 'tinatamad ako', nalulungkot kasi ako. Ewan ko sinusumpong yata ako ng homesickness. haaaayyyy...

Merong kagalaan sina ID (fren ko) sa ofis nila. Overnight daw sa isang resort sa Ras Al Kaimah. Inaaya niya akong sumama pero i beg off. Sabi ko sa kanya parang ayokong sumama. I suggested na sleepover na lang ako sa bahay nila for 2 nights after ng kanilang trip para atleast may bonding time din kami. Tagal na din naming hindi nagkikita. Alam kong may unting tampo sa akin si ID dahil sa hindi ko pagsama. Nag-aalala yun sa akin dahil nagkukulong na naman ako sa bahay. Gusto kong pagbigyan ang aking kaibigan pero mas nanaig ang kalungkutan na nararamdaman ko. Pasencia na fren, pramis babawi ako sa bonding time natin. Thanks din at hindi naging issue itong kadramahan ko na ito. :-)

Nagkausap kami ng aking barkada/pinsan (RB) from Abu Dhabi two weeks ago. Pasyal naman daw ako sa kanila. Last year pa kasi nung huli kaming magkita. Punta daw ako ngayong Eid tapos gagala kami sa Ferrari World, newly-opened theme park sa Abu Dhabi. Na-excite ako pagkabanggit niya dito at sinabing sige titingnan ko ang aking schedule. Pero mukhang hindi din ako matutuloy. Sasabihin ko na lang sa pasko na lang ako dadalaw sa kanila. :-)

Kanina sa ofis nagkakwentuhan kung anong mga plano sa bakasyon. Lahat sila may mga plano na, ako lang ang wala. Ang biro ko, papasok na lang ako..hehe...Kakalungkot pero hindi ko ma-feel ang saya ng bakasyon na ito. Naawa yata sa akin si RS (officemate/fren ko), nag-aaya naman siyang magplano kami ng isang picnic, camping o kaya road trip sa Oman. Wala pa ring effect sa akin. Grabeh, something's wrong with me. Normally, lahat ng pweding kagalaan pinapatulan ko pero i feel otherwise ngayon.

Nangyari na ito sa akin dati. Umiiwas sa kasiyahan. Then magpapakalunod sa kalungkutan. Maghapong mahihiga o matutulog. Ang end result is sasakit ang ulo at likod ko. hehe.

Since ayokong sumakit ang ulo at likod ko, may naiisip na akong gustong gawin sa bakasyon. :-)

Nov 16 (Tue)- attend morning mass, housekeeping, makipag-chat kay nanay, go to the mall/book hunting, watch House (season 6 na ako!)
Nov 17 (Wed)- go to Ikea DFC (will shop ideas para sa mga kagamitan ng bahay namin sa Pinas na hopefully pwedi nang matirhan sa May 2011, yey, bigla akong na-excite!), sleepover kina ID; ooppps i almost forgot, 5 years na ako sa Dubai sa araw na ito. (dadalhin ko ang laptop ko bakasakaling may mai-blog.hehe)
Nov 18 (Thurs)- cooking & eating session kina ID at walang katapusang kwentuhan ng aming mga plano sa buhay (mga seryosong plano). for sure, mapag-uusapan din namin ang bakasyon sa Pinas next year. :-), tulog ulit kina ID
Nov 19 (Fri)- go home, ako ang cook sa bahay pag Friday. bday ng aking kababata/fren (ES) na naririto din sa Dubai, free ang aking sked just in case meron siyang celebration. Kahit naman KJ o nasa drama mode ako, hindi ko ugaling mandamay lalu pag birthday. special day kaya ito.
Nov 20 (Sat)- attend weekend mass, chat ulit sa pinas, i might see the movie Harry Potter ipapalabas na daw ito (doubtful ako kung matuloy ako kasi wala pa akong kasama manood, hindi ko pa din kayang manood mag-isa--reserved for special occasion..hehe)

Medyo nawala na ang sobrang kadramahan ko. Ok na ako lalu na pag naisakatuparan ko ang mga simpleng plano ko sa bakasyon. :-)