Word of Honor

Naaasar ako sa mga taong hindi marunong tumupad sa kanilang mga salita. Malaki man ito o maliit na bagay lang. Ako kasi ang tipo ng taong sinusunod talaga ang mga bagay na ipinapangako. Kaya kung minsan i end up being frustrated pag nakatagpo ako ng mga taong hindi kayang tuparin ang mga sinasabi.
Madami-dami na din akong nakatagpo na kagaya nila. Hindi ko sila maintindihan. Ganun ba kahirap ang tumupad ng mga pangako? Why promise kung hindi mo naman ito kayang tuparin? Kung minsan, mga kaibigan ko pa ang mga ito. Dahil sa mas importante naman sa akin ang pagkakaibigan kaysa sa mga salitang hindi tinupad kadalasan pinapalampas ko lang ito at hinahayaan ko lang humupa ang aking pagka-asar. Then okay na ulit. Ngunit kung minsan merong kung anumang nababawas, yung bang parang nawawalan ako ng gana.
Sabi ko nga pag may ipinangako ako, gagawin ko talaga lahat para matupad ito. Pero this is only applicable pag pangako sa ibang tao. Kapag sa sarili na ako nangako, ang dali ko nang ipako. Sana magawa kong tuparin din ang mga pangako ko sa sarili ko.
Mid of this year, meron akong ginawang mga little promises/challenges to myself (mga never been done before) na kelangan kong gawin before the year ends. Noong una determinado talaga akong tuparin lahat ito ngunit ngayon i'm losing hope. Iniisip ko na i-scrap na ang mga ito bago pa dumating ang deadline. hehe.
1) read a good book in a coffee shop alone (suggested ito ng aking kaibigang si MC)
2) watch a movie in the big screen alone! (attempted thrice, lahat nde natuloy dahil sa takot,ayoko ng movie at kung anu-ano pang dahilan...pero ito kayang-kaya kong tuparin malayo pa naman end of the year)
3) hindi ako magiging KJ, i will say yes sa lahat ng mga mag-aaya sa akin ng lakad kung wala naman akong schedule na lakad sa iba ( i already broke this, nde ako sumama sa out of town/overnight na lakad namin ng mga kaibigan ko. worse yet, nag-yes ako nung una then nag back-out ako dahil sinumpong ako ng topak. pinagsisihan ko na ito. nag-promise ulit ako. this time ang promise ko ay never ko nang gagawin ang ginawa ko sa mga kaibigan ko. i will be more sensitive sa feelings nila & make sure na kontrolado ko ang topak ko..hehe)
4) makikipag-date ako (kadamay ko ang ofismeyt ko dito, we made a pact na dapat kahit isang date man lang ay kailangan magkarun kami this year by hook or by crook. lagi kasi kaming inaasar sa ofis na papunta na kami sa pagiging matandang dalaga. at first, i thought ang dali-dali lang gawin nito. date lang naman sabi ko. being very vocal about it sa mga kasama ko, aba would u believe tatlo agad nag-text sa akin!!?!! pinamigay pala ng mga kasama ko ang number ko..wala akong nireplayan. parang feeling ko, i'm for sale..hehe....anyway, binawi ko na ito. ayoko na. na-pressure ako. biruin mong nag-isip talaga ako how to get a date before the year ends? :-) )

Kaya dapat maintindihan ko ang mga taong hindi kayang tuparin ang kanilang mga pangako dahil sa simpleng dahilan na isa din akong kagaya nila. :-)